कोल्हापूर : येथील जिल्हाधिकारी कार्यालयात बॉम्ब ठेवला असून दुपारी दोन वाजेपर्यंत नागरिकांना सुरक्षित स्थळी हलवावे असा मेल कोल्हापूर जिल्हाधिकाऱ्यांच्या अकाउंट वर आल्यामुळे खळबळ उडाली आहे. तातडीने बॉम्ब शोध पथक आणि श्वानपथक दाखल झाले असून पोलीस आणि कोल्हापूर महापालिकेच्या अग्निशमन दलाचे जवानही दाखल झालेले आहेत. जिल्हाधिकारी कार्यालयांच्या दालना समोरून सर्व नागरिकांना बाहेर काढण्यात आले असून या ठिकाणी प्रत्येक कक्षाची, दालनाची आणि परिसराची श्वानाच्या माध्यमातून तपासणी सुरू आहे. श्वानपथक अग्निशामंडळाचे पथक आपत्कालीन वाहने जिल्हाधिकारी कार्यालयाजवळ दाखल झाल्यामुळे साहजिकच या प्रकाराची नागरिकांमध्ये चर्चा सुरू आहे.
